am 
en 
Հատուկ առաջարկներ 
Ընթացիկ ֆինանսների կայուն տնօրինում
Առաջարկում ենք կազմակերպել ձեր ընթացիկ ֆինանսների կայուն և խելացի տնօրինումը Բիբլոս Բանկ Արմենիայի ընթացիկ հաշվի օգնությամբ։
- Ընթացիկ հաշիվ բացելու համար անհրաժեշտ է մոտենալ Բանկի մասնաճյուղերից մեկը, իսկ Բանկի հաճախորդները կարող են հաշիվ բացել նաև Byblos Mobile հավելվածով կամ Օնլայն բանկինգ համակարգով։ Օնլայն հաշվի բացումն անվճար է։
- Հաշիվները բացվում են ՀՀ դրամ, ԱՄՆ դոլար, Եվրո և ՌԴ ռուբլի արժույթներով: Բացառիկ դեպքերում և Տնօրինության որոշմամբ ընթացիկ հաշիվներ կարող են բացվել նաև այլ արտարժույթով։ Այլ արտարժույթով բացված հաշիվների համար գործում են ԱՄՆ դոլարի համար սահմանված սակագները:
- Հաշվից ելքագրումների և հաշվին մուտքագրումների թիվը չի սահմանափակվում:
- Հաշվում առկա միջոցների դիմաց տոկոսներ չեն վճարվում, եթե այլ բան նշված չէ պայմանագրում:
- Հաճախորդի բանկային հաշիվը բացվում է անհրաժեշտ փաստաթղթերի ներկայացման օրը:
- Հաճախորդը կարող է ցանկացած պահի փակել ընթացիկ հաշիվը /լուծել պայմանագիրը/ առանց որևէ պատճառ նշելու: Բանկը կարող է փակել Հաճախորդի ընթացիկ հաշիվը /լուծել պայմանագիրը/ ՀՀ օրենսդրությամբ և Բանկային հաշվի բացման և վարման պայմաններով նախատեսված դեպքերում: Բանկն իրավունք ունի փակել Հաճախորդի ընթացիկ հաշիվը /լուծել պայմանագիրը/ իր նախաձեռնությամբ՝ եթե
- Հաճախորդը թույլ է տվել օրենքների պահանջների և/կամ Բանկային հաշվի բացման և վարման պայմանների խախտում (խախտումներ),
- Կասկածելի գործարքի կամ գործարար հարաբերության դեպքում, եթե կա ՀՀ կենտրոնական բանկի և/կամ Բանկի խորհրդի որոշում Հաճախորդի հետ գործարար հարաբերությունները դադարեցնելու վերաբերյալ,
- Բանկային հաշվի բացման և վարման պայմաններով և /կամ ՀՀ օրենսդրությամբ նախատեսված այլ դեպքերում:
Վերոնշյալ պայմանների առկայության դեպքում ընթացիկ հաշիվը փակվում է /պայմանագիրը լուծվում է/ մեկ բանկային օրվա ընթացքում, եթե Հաճախորդը Բանկի նկատմամբ չունի որևէ պարտավորություն: Հաշվում առկա գումարը տրամադրվում է հաշվետիրոջը կամ փոխանցվում է նրա կողմից նշված հաշվեհամարին:
- Բանկի և Հաճախորդի միջև ծագած վեճերը ենթակա են ՀՀ դատարանների իրավասությանը։ Համաձայնություն ձեռք չբերելու դեպքում վեճերի լուծումը հանձնվում է դատարանի քննությանը։ Ընթացիկ հաշվի սպասարկման կապակցությամբ Հաճախորդի բողոք-պահանջները կարող են ներկայացվել նաև Ֆինանսական համակարգի հաշտարարին՝ «Ֆինանսական համակարգի հաշտարարի մասին» ՀՀ օրենքով սահմանված կարգով: Բանկը կարող է հրաժարվել Ֆինանսական համակարգի հաշտարարի որոշումները վիճարկելու իրավունքից, եթե Հաճախորդի կողմից Բանկի դեմ ներկայացված գույքային պահանջը չի գերազանցում 250 000/երկու հարյուր հիսուն հազար/ ՀՀ դրամը կամ դրան համարժեք արտարժույթը և գործարքի գումարը չի գերազանցում 500 000 /հինգ հարյուր հազար/ ՀՀ դրամը կամ դրան համարժեք արտարժույթը: Դա նշանակում է, որ Բանկը չի կարող վիճարկել վերոնշյալ պայմաններին բավարարող պահանջներով Ֆինանսական համակարգի հաշտարարի կողմից Բանկի դեմ կայացված վճիռները:
- Ամսական կտրվածքով իրականացվում է հաճախորդների ոչ ակտիվ բանկային հաշիվների փակման գործընթաց: Ոչ ակտիվ հաշիվներ են համարվում Բանկի հաճախորդների ընթացիկ այն հաշիվները, որոնցով հաշվետու ժամանակաշրջանին նախորդող 14 ամիսների ընթացքում հաճախորդի բոլոր հաշիվներով միաժամանակ շրջանառություն չի կատարվել:
- Հաճախորդները կարող են հաշվում առկա միջոցները տնօրինել նաև հեռակա, նույն պայմաններով, եթե օգտվում են Բանկի կողմից տրամադրվող Ինտերնետ Բանկինգ ծառայությունից:
- Միջնորդվճարները գանձվում են միայն ՀՀ դրամով: Սակագներով նախատեսված վճարները Բանկի կողմից որպես կանոն գանձվում են այն հաշվի մնացորդից, որով կատարվում է համապատասխան գործառնությունը։ Արտարժութային բանկային հաշվի դեպքում Բանկն իրավունք ունի գանձվելիք գումարի չափով արտարժույթը ՀՀ ԿԲ-ի կողմից տվյալ արտարժույթի համար սահմանված միջին փոխարժեքով կամ իր կողմից սահմանված փոխարժեքով փոխանակել ՀՀ դրամի և գանձել։
- Եթե սակագները սահմանված են տոկոսով, ապա գանձվող գումարը հաշվարկվում է գործարքի ընդհանուր գումարից:
- Հաշվին գումարներ կարող են մուտքագրվել և կամ ելքագրվել ամեն աշխատանքային օր ժամը 09:30-ից մինչև 16:30:
| Անվանում | Սակագին* |
|---|---|
|
Հաշիվների բացում՝ ֆիզիկական անձանց համար Օնլայն Բանկինգի միջոցով
|
անվճար
|
|
Հաշիվների բացում՝ ռեզիդենտ ֆիզիկական անձանց համար
|
1,000
|
|
Հաշիվների բացում՝ ոչ ռեզիդենտ ֆիզիկական անձանց համար
|
5,000
|
|
Հաշիվների բացում՝ ոչ ռեզիդենտ ֆիզիկական անձանց համար (արտերկրից բացելու դեպքում)
|
50,000
|
|
Հավելյալ հաշվի բացում
|
1,000
|
|
Վաղաժամկետ դադարեցում
|
առկա չէ
|
|
Հաշիվների վարում (ամսական)
|
200
|
|
Նվազագույն մնացորդ
|
1,000 (կամ համարժեքը)***
|
|
Հաշվից քաղվածքների տրամադրում
|
|
|
յուրաքանչյուր ամիս
|
անվճար
|
|
լրացուցիչ` մինչև 6 ամիս**
|
3,000
|
|
լրացուցիչ` 6 ամսից ավելի**
|
6,000
|
|
Հաշվի կամ Վարկի վերաբերյալ տեղեկանքի տրամադրում**
|
3,000
|
|
Գործարքի վերաբերյալ տեղեկանքի տրամադրում**
|
10,000
|
|
Չեկային գրքույկի տրամադրում**
|
3,000
|
|
վճարման կասեցում
|
1,000
|
|
չեկի հետ վերադարձ՝ անբավարար միջոցների պատճառով
|
3,000
|
|
Հաշվի փակում
|
600
|
|
Ներքին լիազորագրի հաստատում**
|
5,000
|
|
Աուդիտի նպատակով հաշվի վերաբերյալ տեղեկությունների տրամադրում**
|
10,000
|
|
Կանխիկ միջոցների մուտքագրում ընթացիկ հաշիվներին՝ ՀՀ դրամ/ԱՄՆ դոլար/Եվրո
|
0%
|
|
Կանխիկ միջոցների մուտքագրում ընթացիկ հաշվին ՌԴ ռուբլով
|
2%
|
|
Կանխիկ 500 Եվրո թղթադրամի մուտքագրում ցանկացած հաշվին կամ փոխանակում
|
1%
|
|
Կանխիկ միջոցների ելքագրում ընթացիկ հաշիվներից կանխիկ մուտքագրված միջոցների դիմաց (ՀՀ դրամ/ԱՄՆ դոլար/Եվրո)
|
0%
|
|
Կանխիկ միջոցների ելքագրում ընթացիկ հաշիվներից կանխիկ մուտքագրված միջոցների դիմաց (ՌԴ ռուբլի)
|
0%
|
|
ԱՄՆ դոլար կանխիկացում ընթացիկ հաշիվներից անկանխիկ մուտքագրման դիմաց
|
0.5%
|
|
Եվրո կանխիկացում ընթացիկ հաշիվներից անկանխիկ մուտքագրման դիմաց
|
1%
|
|
ՌԴ ռուբլի կանխիկացում ընթացիկ հաշիվներից անկանխիկ մուտքագրման դիմաց****
|
0.5%
|
|
Անգլիական ֆունտ ստերլինգ կանխիկացում անկանխիկ մուտքագրման դիմաց
|
0.5%
|
|
ՀՀ դրամով կանխիկացում ընթացիկ հաշվից անկանխիկ մուտքագրման դիմաց
|
0.2%
|
|
Բանկի կողմից գնանշվող արտարժույթով հնամաշ թղթադրամի փոխանակում
|
3%
|
|
Մինչև 2004թ․ թողարկված 5, 10, 20, 50 ԱՄՆ դոլար արժողությամբ և մինչև 2009թ․ թողարկված 100 ԱՄՆ դոլար արժողությամբ թղթադրամի մուտքագրում կամ փոխանակում*****
|
1%
|
|
Մինչև 2004թ․ թողարկված 5, 10, 20, 50 ԱՄՆ դոլար արժողությամբ և մինչև 2009թ․ թողարկված 100 ԱՄՆ դոլար արժողությամբ թղթադրամի կանխիկացում
|
0%
|
|
Դրական մնացորդի վրա կուտակվող տոկոս******
|
0-7%
|
|
Տեղեկանք Բանկի Հաճախորդ հանդիսանալու/չհանդիսանալու վերաբերյալ (ներառյալ ԱԱՀ)*******
|
10,000
|
*Սակագները ներկայացված են ՀՀ դրամով
**Ներառյալ ԱԱՀ
***ԱՄՆ դոլար-3, Եվրո-2, ՌԴ ռուբլի-100
****Այս
սակագինը գործում է մինչեւ 300,000 ՌԴ ռուբլի կանխիկացման դեպքում, իսկ ավելի
բարձր գումարի կանխիկացման դեպքում սակագինը պայմանագրային է:
*****Բանկի հաճախորդներից նշված թղթադրամներով օրական ընդհանուր մինչև 1000 ԱՄՆ դոլարի ընդունումն իրականացվում է առանց միջնորդավճարի։
******Հաշվի դրական մնացորդի դիմաց հաշվեգրվող տոկոսադրույքը Բանկի կողմից կարող է սահմանվել ավել քան տարեկան 0%-ը՝ հիմք ընդունելով հաճախորդի հաշվի փաստացի կամ ակնկալվող շրջանառության չափերը կամ հաճախորդի հետ համագործակցության ծավալը և բնույթը։
*******Տեղեկանքը տրամադրվում է առավելագույնը 10 աշխատանքային օրվա ընթացքում։
Նշում 1․ Մինչև 2016թ․ հունվարի 1-ը թողարկված անգլիական ֆունտ արժողությամբ թղթադրամներ Բանկի կողմից չեն ընդունվում։
Նշում 2․ 20 միլիոն ՀՀ դրամ և 30,000 ԱՄՆ դոլար/եվրո կամ ավելի գումար կանխիկացնելու համար անհրաժեշտ է նշված գործարքի մասին տեղեկացնել Բանկին գործարքի իրականացումից 2 աշխատանքային օր առաջ։ Հակառակ պարագայում Բանկն իրավունք ունի չիրականացնել գործարքը:
Բանկային հաշվի և դրանում առկա միջոցների տիրապետման հաշվետիրոջ
իրավունքների սահմանափակումը, ինչպես նաև առանց հաշվետիրոջ կարգադրության
հաշվից դրամական միջոցների բռնագանձումը կարող են իրականացվել դատարանի
վճռով՝ դատական ակտերի հարկադիր կատարումն ապահովող մարմինների կամ
հարկային մարմինների կողմից կայացված որոշումների հիման վրա:
Բանկը
«Փողերի լվացման և ահաբեկչության ֆինանսավորման դեմ պայքարի մասինե ՀՀ
օրենքով սահմանված հաճախորդի պատշաճ ուսումնասիրության նպատակով կարող է
սպառողից «Ճանաչիր քո հաճախորդինե («Know your customerե) սկզբունքի հիման
վրա պահանջել լրացուցիչ փաստաթղթեր կամ այլ տեղեկություններ, ինչպես նաև
բանավոր հաղորդակցման ընթացքում լրացուցիչ հարցեր տալ Հաճախորդին (նման
պահանջի առկայության դեպքում):
«Օտարերկրյա հաշիվների հարկային համապատասխանության ակտի (Foreign Account Tax Compliance Act (FATCA)) հիման վրա ԱՄՆ-ի հետ կնքած համաձայնագրի համաձայն Բանկը Ձեր՝ ԱՄՆ հարկատու հանդիսանալու հանգամանքը պարզելու համար կարող է իրականացնել լրացուցիչ տեղեկատվության հավաքագրում:
Համաձայն Տնտեսական համագործակցության և զարգացման կազմակերպության (ՏՀԶԿ) միասնական հաշվետվողական ստանդարտի (CRS - Common Reporting Standard) պահանջների՝ Բանկը Ձեր՝ օտարերկրյա պետությունների (տարածքների) հարկային ռեզիդենտ հանդիսանալու հանգամանքը պարզելու համար կարող է իրականացնել լրացուցիչ տեղեկատվության հավաքագրում:
Վարկի մասին տեղեկությունները ներկայացված
են նաև «Ձեր ֆինանսական տեղեկատուն»` www.fininfօ.am ինտերնետային էջում,
որը ծառայությունների որոնման, համեմատման և Ձեզ համար ամենաարդյունավետ
տարբերակի ընտրությունը հեշտացնող էլեկտրոնային համակարգ է:
Հարգելի Ավանդատու
Ձեր ավանդի հատուցման երաշխավորողն է Ավանդների հատուցումը երաշխավորող հիմնադրամը (այսուհետև՝ Հիմնադրամ):
Հիմնադրամի գտնվելու վայրը՝ 0010, ք. Երևան, Մ. Խորենացի 15, «Էլիտ Պլազա» գործարարական համալիր, 2-Ա5 սենյակ
Հեռախոսը՝ 583514
Ինտերնետային կայքը՝ www.adgf.am
Սույն ծանուցման բոլոր սահմանումները համապատասխանում են ՙՖիզիկական անձանց բանկային ավանդների հատուցումը երաշխավորելու մասին՚ Հայաստանի Հանրապետության օրենքի (այսուհետ՝ Օրենք) սահմանումներին:
Ձեր երաշխավորված ավանդը ենթակա է հատուցման հետևյալ դեպքերում.
- Եթե Հայաստանի Հանրապետության օրենսդրությամբ սահմանված կարգով բանկը ճանաչվում է անվճարունակ և Հայաստանի Հանրապետության կենտրոնական բանկի (այսուհետ՝ Կենտրոնական բանկ) խորհրդի որոշմամբ հաստատվում է բանկի կողմից օրենքով և պայմանագրերով սահմանված ժամկետներում ավանդները վերադարձնելն ի վիճակի չլինելու փաստը կամ
- Եթե Հայաստանի Հանրապետության օրենսդրությամբ սահմանված կարգով բանկը սնանկ է ճանաչվում (այսուհետ՝ անվճարունակ բանկ):
Ավանդների երաշխավորվող սահմանաչափերը հետևյալն են՝
| Ավանդի արժութային կառուցվածքը |
Եթե նույն բանկում ունեք միայն դրամային ավանդ |
Եթե նույն բանկում ունեք միայն արտարժութային ավանդ |
Եթե նույն բանկում ունեք և ՀՀ դրամով, և արտարժույթով ավանդ |
Եթե նույն բանկում ունեք և ՀՀ դրամով, և արտարժույթով ավանդ |
|
Եթե դրամային ավանդը 7 միլիոն դրամից ավել է |
Եթե դրամային ավանդը 7 միլիոն դրամից պակաս է |
|||
|
Ավանդի երաշխավորման առավելագույն չափը |
16 միլիոն ՀՀ դրամ |
7 միլիոն ՀՀդրամ |
16միլիոն ՀՀդրամ (երաշխավորվում է միայն դրամային ավանդը) |
7 միլիոն ՀՀ դրամ (երաշխավորվում է դրամային ավանդն ամբողջությամբ և արտարժութային ավանդը՝ 7 միլիոն դրամի և հատուցման ենթակա դրամային ավանդի տարբերության չափով) |
Ձեր՝ նույն բանկում ունեցած բոլոր դրամային ավանդները համարվում են մեկ դրամային ավանդ, բացառությամբ չերաշխավորված ավանդների, և Ձեր՝ նույն բանկում ունեցած բոլոր արտարժութային ավանդները համարվում են մեկ արտարժութային ավանդ, բացառությամբ չերաշխավորված ավանդների:
Եթե Դուք անվճարունակ բանկում ունեք առանձին բանկային ավանդ և միևնույն ժամանակ նույն բանկում ներդրված համատեղ բանկային ավանդի սեփականատեր եք ապա երաշխավորվում է Ձեր առանձին բանկային ավանդի և համատեղ բանկային ավանդում Ձեր մասնաբաժնի հանրագումարը՝ Օրենքով սահմանված կարգով և չափով:
Եթե Դուք անվճարունակ բանկի նկատմամբ ունեք պարտավորություն, ապա հատուցման ենթակա գումարը կհաշվարկվի Ձեր բանկային ավանդի և պարտավորության դրական տարբերության հիման վրա՝ Օրենքով սահմանված կարգով և չափով:
Երկու կամ ավելի ավանդատուների համատեղ բանկային ավանդը համարվում է յուրաքանչյուր անձի առանձին բանկային ավանդ, ավանդատուի՝ պայմանագրով սահմանված մասնաբաժնի չափով: Եթե պայմանագրով սահմանված չեն համատեղ բանկային ավանդի ավանդատուների մասնաբաժինները, ապա համատեղ բանկային ավանդն ավանդատուների միջև բաժանվում է հավասարաչափ:
Բանկային ավանդի հատուցումը կատարվում է միայն հայկական դրամով: Արտարժութային բանկային ավանդի դրամական համարժեքությունը որոշվում է հատուցման դեպքը տեղի ունենալու օրվա դրությամբ Կենտրոնական բանկի հրապարակած՝ արժութային շուկաներում ձևավորված միջին փոխարժեքով:
Ձեր բանկային ավանդը չի հատուցվում, եթե հատուցման դեպքը տեղի ունենալու օրվա դրությամբ այդ ավանդը պակաս է 1,000 հայկական դրամից:
Ձեր բանկային ավանդը երաշխավորված չէ, եթե՝
ա) Դուք հանդիսանում եք տվյալ բանկի ղեկավար և (կամ) վերջինիս ընտանիքի անդամ,
բ) Դուք հանդիսանում եք տվյալ բանկում նշանակալից մասնակցություն ունեցող անձ և (կամ) վերջինիս ընտանիքի անդամ,
գ) Դուք, որպես ավանդի սեփականատեր (համասեփականատեր), հրաժարվել եք ավանդի` Ձեր մասի նկատմամբ սեփականության իրավունքից,
դ) Ձեր ավանդն օրենքով և այլ իրավական ակտերով սահմանված կարգով ճանաչվել է հանցավոր ճանապարհով ձեռք բերված դրամական միջոց, քանի դեռ Դուք հակառակը չեք ապացուցել,
ե) Ձեր ավանդը տվյալ բանկում ներդրվել է բանկային ավանդի ներդրման պահին տվյալ բանկի կողմից հրապարակային պայմանագիր կնքելու առաջարկով նախատեսված նմանատիպ բանկային ավանդների տոկոսադրույքն առնվազն 1,5 անգամ գերազանցող տոկոսադրույքով,
զ) Ձեր ավանդը ներդրված է բանկի՝ Հայաստանի Հանրապետության տարածքից դուրս ստեղծված մասնաճյուղերում:
Հատուցման դեպքի օրվան հաջորդող երեք աշխատանքային օրվա ընթացքում Հիմնադրամը հայտարարություն է հրապարակում հատուցման դեպքի մասին: Հատուցման դեպքի օրվան հաջորդող երեսնօրյա ժամկետում Հիմնադրամը անվճարունակ բանկի կամ այլ բանկի միջոցով, սկսում է իրականացնել Ձեր ավանդների հատուցման գործընթացը: Գործընթացը սկսվում է զանգվածային լրատվական միջոցներում հատուցման վերաբերյալ Հիմնադրամի կողմից լրացուցիչ հայտարարություն հրապարակելու պահից: Դուք կարող եք գրավոր պահանջ ներկայացնել ոչ ուշ, քան հատուցման դեպքի օրվան հաջորդող մեկ տարվա ընթացքում: Նշված ժամկետում Ձեր կողմից գրավոր պահանջ չներկայացնելու դեպքում Հիմնադրամի կողմից Ձեր երաշխավորված ավանդի հատուցում չի իրականացվի: Հիմնադրամը պարտավոր է իրականացնել ավանդատուների պահանջներով հատուցումները` գրավոր պահանջը ներկայացնելու oրվան հաջորդող երեք ամիuների ընթացքում, բացառությամբ Օրենքով նախատեuված դեպքերի:
Երաշխավորված ավանդի գումարի հատուցումից հետո անվճարունակ բանկի հանդեպ Ձեր ունեցած դրամական պահանջը՝ հատուցված գումարի չափով համարվում է բավարարված: Հատուցման չափը գերազանցող գումարը համարվում է անվճարունակ բանկի պարտավորությունը Ձեր նկատմամբ:
Ձեր ավանդի հատուցումն առավել սահուն իրականացնելու նպատակով առաջարկում ենք ավանդի ներդրման ժամանակ Ձեր կողմից բանկին տրամադրված տվյալների (անձը հաստատող փաստաթղթի տվյալներ, սոցիալական ապահովության քարտի տվյալներ, հասցե, հեռախոսահամար և այլն) ցանկացած փոփոխության դեպքում այդ մասին անմիջապես տեղեկացնել բանկին:
