Վարկերը տրամադրվում են ՀՀ դրամով և ԱՄՆ դոլարով: Եթե վարկային ծառայությունը տրամադրվել է արտարժույթով, արտարժույթի փոխարժեքի փոփոխման դեպքում հաճախորդն է կրում դրանից բխող հնարավոր անբարենպաստ հետևանքները: Օրինակ՝ ԱՄՆ դոլարի նկատմամբ ՀՀ դրամի արժեզրկման դեպքում հաճախորդը վարկը մարում է դրամային արտահայտությամբ ավելի մեծ գումարով:

• Տոկոսադրույքը՝ սկսած 10%-ից՝ դրամով, սկսած 7%-ից՝ դոլարով
• Մինչև 2 տարի ֆիքսված տոկոսադրույք*

*Մնացած տարիների համար՝ Բանկի հաշվարկային դրույք + հաստատուն տոկոսային մարժա

Բանկի հաշվարկային դրույքը սահմանվում է Բանկի կողմից տարբեր արժույթների համար և արտացոլում է Բանկի տոկոսակիր պարտավորութունների միջին կշռված ծախսատարությունը:

Վարկի տրամադրման միջնորդավճարը կազմում է վարկի գումարի 1%-ը, նվազագույնը` 100,000 ՀՀ դրամ, առավելագույնը՝ 500,000 ՀՀ դրամ:

Վարկի տոկոսադրույքի ֆիքսված գործողության ժամկետի ընթացքում միայն վերաֆինանսավորման դեպքում կկիրառվի վաղաժամկետ մարման տույժ՝ մարվող գումարի 5%-ի չափով։

Վարկային ծառայությունների գումարները տրամադրվում են անկանխիկ: Վարկային ծառայության տրամադրման օրը վարկային ծառայության գումարը հաճախորդին փաստացի տրամադրելու օրն է: Պայմանագրով նախատեսված տոկոսագումարները հաճախորդը վճարում է վարկի գումարի փաստացի օգտագործած ժամանակահատվածի համար:

Անշարժ գույքի գրավի պայմանագիրը պետք է վավերացվի նոտարական կարգով, իսկ դրանից ծագող իրավունքները ենթակա են գրանցման ՀՀ իրավասու պետական մարմնում: Վերաֆինանսավորման պարագայում համապատասխան ծախսերը կրում է Բանկը: