Նախքան որևէ գործարք կատարելն անհրաժեշտ է համոզվել, որ.

1. Քարտը վնասված չէ, նախկինում կտրած և սոսնձած չէ, նորոգված չէ, տեսանելի վնասվածքներ չեն նկատվում:
2. Քարտի դիմերեսի 16 նիշը, Քարտապանի անունը և քարտի գործողության ժամկետն ընթեռնելի են:
3. Քարտի գործողության ժամկետը վավեր է։ (Քարտը վավեր է մինչև քարտի վրա դաջված ամսվա վերջին օրվա ավարտը՝ ժամը 24:00-ն)։
4. Քարտի հակառակ կողմում առկա է քարտապանի ստորագրությունը:

Բոլոր այն դեպքերում, երբ քարտը կճանաչվի կեղծ կամ տվյալ անձին չպատկանող, պարտադիր կարգով գործարքը պետք է մերժվի, իսկ քարտը, հնարավորության դեպքում՝ առգրավվի:

POS տերմինալով վճարումներ ընդունելիս արգելվում է վճարային քարտի տվյալները հավաքագրել, հրապարակել կամ փոխանցել երրորդ անձանց կամ դրանք օգտագործել մեկ այլ նպատակով։

Բանկային հաշվի և դրանում առկա միջոցների տիրապետման հաշվետիրոջ իրավունքների սահմանափակումը, ինչպես նաև առանց հաշվետիրոջ կարգադրության հաշվից դրամական միջոցների բռնագանձումը կարող են իրականացվել դատարանի վճռով՝ դատական ակտերի հարկադիր կատարումն ապահովող մարմինների կամ հարկային մարմինների կողմից կայացված որոշումների հիման վրա:

Բանկը «Փողերի լվացման և ահաբեկչության ֆինանսավորման դեմ պայքարի մասինե ՀՀ օրենքով սահմանված հաճախորդի պատշաճ ուսումնասիրության նպատակով կարող է սպառողից «Ճանաչիր քո հաճախորդին» (Know your customer) սկզբունքի հիման վրա պահանջել լրացուցիչ փաստաթղթեր կամ այլ տեղեկություններ, ինչպես նաև բանավոր հաղորդակցման ընթացքում լրացուցիչ հարցեր տալ Հաճախորդին (նման պահանջի առկայության դեպքում):

«Օտարերկրյա հաշիվների հարկային համապատասխանության ակտի» (Foreign Account Tax Compliance Act (FATCA)) հիման վրա ԱՄՆ-ի հետ կնքած համաձայնագրի համաձայն Բանկը Ձեր՝ ԱՄՆ հարկատու հանդիսանալու հանգամանքը պարզելու համար կարող է իրականացնել լրացուցիչ տեղեկատվության հավաքագրում:

Պայմանագիր կնքելուց հետո Բանկի հետ կարող եք հաղորդակցվել Ձեր նախընտրությամբ փոստային կապի միջոցով կամ Էլեկտրոնային եղանակով։ Էլեկտրոնային եղանակով տեղեկատվության ստացումը ամենահարմարն է: Այն հասանելի է 24/7 ռեժիմով, զերծ է թղթային տեղեկատվության կորստի ռիսկերից եվ ապահովում է գաղտնիություն։